Roberto Cavalli u varros sot në San Miniato, një qytet në Itali.
Dizajnerit të famshëm i dha lamtumirën e fundit bashkëshortja e tij Sandra Nilsson, 45 vite më e vogël , e cila nuk i fshehu lotët dhe i puthi arkivolin. Ndër të tjera, lamtumirën e fundit i kanë ardhur edhe fëmijët e tij, ish-bashkëshortja Eva Maria dhe shumë të njohur nga Italia .
Kujtojmë se stilisti italian Roberto Cavalli ka ndërruar jetë në moshën 83-vjeçare pas një sëmundjeje të gjatë.
Roberto është më i njohur për markën e tij të modës. Marka Roberto Cavalli u themelua në vitet shtatëdhjetë, dhe grupi aktualisht menaxhon një portofol të gjerë të markave të njohura ndërkombëtarisht të pozicionuara në segmente të ndryshme të gamës së lartë.
Para lidhjes së tij me Sandrën, magjistari i modës ishte martuar dy herë dhe kishte pesë fëmijë, sipas Index.hr.
Në martesën e tij të parë, me Silvanella Giannoni, ai pati një djalë, Tomasso dhe një vajzë, Cristina, dhe me gruan e tij të dytë, Eva Maria Demar, ai pati tre fëmijë – Roberto, Rachele dhe Daniele. Sandra solli në jetë fëmijën e tij të gjashtë.
