Njohësi i çështjeve politike, Mazllum Bajraliu, ka folur për procesin zgjedhor në veri të vendit, ku po votohet për shkarkimin ose jo të kryetarëve të nacionalitetit shqiptar, në katër komunat veriore.
Për mbarëvajtjen e procesit zgjedhor, gjegjësisht, bojkotin e zgjedhjeve nga ana e Listës Serbe, Bajraliu i ftuar në RTK ka thënë se është një lojë politike që po behet në vazhdimësi, sidomos viteve të fundit nga Lista Serbe dhe Beogradit zyrtar në relacion me Kosovën.
“Veprime të tilla bojkoti kanë bërë vazhdimisht, duke dëmtuar komunitetin e vet si dhe demokracinë në Kosovë, funksionimin e institucioneve, qoftë atyre lokale, qoftë qendrore”, ka deklaruar Bajraliu në RTK.
Bajraliu ka thënë se Lista Serbe ka dëmtuar dhe penguar procesin e integrimit të komuniteteve në veri të vendit, veçanërisht komunitetin e vet nën direktivat destruktive e destabilizuese të Beogradit zyrtar.
