Sot pasdite do të luhen dy ndeshjet kthyese në gjysmëfinale të Kupës së Kosovës në futboll.
Padyshim se sfida kryesore do të zhvillohet në Gjilan, ku përballen rivalët e vjetër, Drita dhe Prishtina.
Dueli i parë mes këtyre dy skuadrave më nam në vendin tonë, i zhvilluar në Lipjan ishte mbyllur baras 0-0, derisa sot në Gjilan që të dyja do ta synojnë fitoren dhe kualifikimin në finalen e madhe të Kupës së Kosovës, e më pas edhe triumfin që siguron daljen në garat evropiane.
Ndeshje joshëse pritet të luhet edhe gjysmëfinalen tjetër, ku do të ballafaqohen Ballkani dhe Suhareka, një derbi i skuadrave nga i njëjti qytet. Ndeshjen e parë të zhvilluar e kanë fituar kampionët në fuqi të Superligës me rezultat 0-1.
Të dyja ndeshjet fillojnë në orën 15:00.
