Kryeministri Albin Kurti dhe ambasadori i Bashkimit Evropian në Kosovës, Tomas Szunyog ua kanë dhënë banesat 35 familjeve në lagjen “Suvido” në Graçanicë si pjesë e projektit të strehimit të familjeve që kanë banuar në qendra kolektive.
Ndarja e çelësave u bë në një ceremoni të veçantë ku ishte i pranishëm edhe ministri i Komuniteteve, Nenad Rashiq.
Në këtë lagje të Graçanicës janë ndërtuar dy ndërtesave banesore në një hapësirë komunale në ceremoninë e përfundimit të banesave si pjesë e projektit të strehimit të familjeve që kanë banuar në qendra kolektive.
Ambasadori i BE-së, Szunyog, ka thënë se ky projekt ka mbështetur 56 familje nga komunitetet jo shumicë, të cilët nga sot do të fillojnë një jete të re.
“Sot kam dorëzuar çelësat e shtëpive të reja për 34 familje në Graçanicë. Çdo çelës simbolizon një fillim të ri për familjet që janë përballur me sfida. Krenar për partneritetin e Bashkimit Evropian me Qeverinë e Kosovës dhe bashkinë e Graçanicës në ofrimin e zgjidhjeve të qëndrueshme të strehimit:, ka thënë ambasadori i BE-së.
Ministri për Komunitete dhe Kthim, Nenad Rashiq, ka thënë se 34 banesat e ofruara nga ky projekt janë për 84 persona, dhe se për secilën familje ministria ka ofruar pajisjet elektrike, mobile dhe ushqim që do tua lehtësojë jetën atyre.
“Atyre u është ofruar edhe hapësirë për rekreacion. Përkushtimi ynë mbetet në nivelin më të lartë sepse ministria dhe qeveria e kuptojnë se sa të rëndësishëm janë shembujt e tillë”, ka thënë ai. /Kosovatimes/
