Qeveria e Serbisë ka njoftuar se në seancën e sotme ka miratuar aktet e nevojshme për përmirësimin e bashkëpunimit me Kinën në disa fusha.
Anëtarët e Qeverisë miratuan dokumente për përmirësimin e bashkëpunimit me Kinën në fushën e arsimit, shkencës, inovacionit, zhvillimit teknologjik, si dhe bashkëpunimit ekonomik dhe teknik në fushën e infrastrukturës, thuhet.
Presidenti kinez Xi Jinping do të vizitojë Serbinë më 7 dhe 8 maj në kuadër të turneut të tij evropian, gjatë të cilit do të vizitojë edhe Francën dhe Hungarinë.
Presidenti serb Aleksandar Vuçiq tha dje se Beogradi gjatë vizitës së tij në Serbi do të “inicojë projekte të zhvillimit të përshpejtuar teknologjik në ato sfera në të cilat nuk ka njohuri të mjaftueshme, nga robotika, teknologjia satelitore, makinat fluturuese dhe shumë gjëra të tjera”.
