Policia e Kosovës ka njoftuar për një tentim vrasje që ka ndodhur ditën e enjte në Graçanicë.
Një person dyshohet se me veturë të tij ka goditur veturën e dy personave.
“Është arrestuar i dyshuari mashkull kosovar, pasi që dyshohet se me veturë të tij ka goditur veturën e viktimave femër dhe mashkull kosovarë”, ka njoftuar Policia në raportin 24 orësh.
Gjatë aksidentit lëndime kanë pësuar viktimat të cilët kanë pranuar tretman mjekësor.
Me vendim të prokurorit i dyshuari është dërguar në mbajtje, teksa rasti është iniciuar si vrasje në tentativë.
