Futbollisti i Interit, Benjamin Pavard, është shprehur i zhgënjyer me humbjen ndaj Sassuolos.
Pavard thotë se pavarësisht se tashmë Interi ka festuar titullin e kampionit në Serie A, skuadra duhet të fitojë për shkak të tifozëve.
“Jemi shumë të zhgënjyer me rezultatin, sepse është e vërtetë që tashmë jemi kampionë, por duhet të jemi konkurrues dhe duhet të fitojmë veçanërisht për Tifozët”, ka thënë Pavard.
“Sassuolo janë një ekip i mirë, por ne duhej të bënim lojë më të mirë. Tani duhet të mendojmë për ndeshjet e ardhshme. Janë edhe tri ndeshje dhe ne duhet t’i fitojmë”, ka theksuar ish-futbollisti i Bayern Munich.
