Kombëtarja U18 e Kosovës në hendboll e ka nisur në mënyrën më të mirë të mundshme paraqitjen në Kampionatin Mesdhetar.
Dardanët e rinj të hënën në Ankara të Turqisë triumfuan fituan ndaj Malit të Zi me rezultat 23:20.
Është kjo njëra prej fitoreve më të mëdha të grupmoshave të reja të Kosovës deri më tani.
Kombëtarja jonë ka dominuar nga fillimi. Kishte lojë efikase në sulm, ndërsa edhe mbrojtja ishte në nivel.
Shpejtë Kosova U18 krijoi epërsi prej 6:2. Periudha e parë prej 15 minutash përfundoi 7:4 për Kosovën.
Me lojë të mirë të rinjtë tanë vazhduan edhe në periudhën e dytë, të cilën e fituan 12:9. Pra vazhdimisht mbajtën epërsi të lartë.
Lojtarët e Mali të Zi kërkuan rikthimin e madh në periudhën e tretë. U afruan në tri gola, por pa bërë përmbysje të rezultati. Kosova ruajti qetësinë në fund për fitoren e vlefshme.
Kosova sot luan sfidën e dytë në këtë turne, ku do të ndeshet me Irakun.
