Tashmë janë mbyllur të gjitha vendvotimet në Maqedoninë e Veriut.
Në një konferencë për media, partitë shqiptare të koalicionit “Fronti Evropian”, i kanë falënderuar të gjithë qytetarët që kanë votuar.
Ata thanë se ka fituar demokracia dhe jo Rusia, derisa thanë se qytetarët nuk ranë pre e propagandës.
Në orën 19:00 janë mbyllur vendvotimet ku qytetarët e Republikës së Maqedonisë së Veriut kanë mundur të votojnë sot në raundin e dytë të zgjedhjeve të shtata presidenciale dhe të 11-ta kuvendare.
KShZ ka njoftuar se në ora 19:30 do të dalë me konferencë për shtyp për daljen në votime dhe rrjedhën e procesit të votimit.
