Ish deputet anëtari i LDK Blerim Grainca tha se vetëm qëndrimi besnik, ndaj vlerave dhe filozofisë Rugoviane, mund të sjellë unifikim e rezultate.
Këtë deklarim e bëri duke marr si shkas degën e LDK-së në Ferizaj, e cila tash e sa vite, është bërë objekt i diskutimeve dhe kalkulimeve të ndryshme, për interesa të ulëta e meskine. Sipas tij gjendja aktuale në Degën e Ferizajt, padyshim se është pasojë e keqmenaxhimit.
“Të gjithë ata, që e njohin këtë Degë, e din se, aty nuk ka grupe, por ka një anëtarësi e aktivistë besnik, edhe individ të caktuar, të cilët, pa asnjë lloj autoriteti mbijetojnë nëpërmjet shpifjeve e mashtrimeve, duke e paraqitur veten si të fuqishëm, dhe duke e luftuar çdo vlerë brenda LDK-së. Është shumë e vërtetë, se ata nuk kanë as mbështetje ne strukturë e as vota elektorale të qytetarëve të Ferizajt’ tha ai.
Prandaj, sipas tij çdo imponim, favorizim, katapultim apo ndërhyrje, vetëm se do t’a dëmtojë procesin, si dhe Degën!
“Personalisht, jam për një unifikim përmes votës, e jo matematikave të kafeneve.
Votuesit mbi te gjitha interesat”, tha Grainca. /Kosovatimes/
