Qeveria e Malit të Zi në seancën e sotme elektronike ka miratuar dy amendamente të Rezolutës për gjenocidin në Srebrenicë.
Ndër të tjera, Ministria e Punëve të Jashtme është urdhëruar që të hënën t’i dërgojë amendamentet propozuesve të rezolutës.
Ju kujtojmë se amendamenti i parë ka të bëjë me faktin se nuk ka faj kolektiv për gjenocidin në Srebrenicë, dhe i dyti flet se si Republika Srpska është një entitet brenda Bosnjë-Hercegovinës.
Në fillim të javës, kryeministri Milojko Spajiq tha se Mali i Zi do të votojë për Rezolutën, por edhe se nuk do të heqë dorë nga amendamenti.
Para kësaj, partia e tij Evropa tani tha se Shtetet e Bashkuara të Amerikës ndërmjetësuan amendamentin. Megjithatë, një gjë e tillë u mohua nga Ambasada Amerikane, duke deklaruar se Departamenti i Shtetit kishte vetëm një pasqyrë të ndryshimeve.
