Menjëherë pasi përfaqësuesit e serbëve Kosovës kanë vendosur të largohen nga institucionet e Kosovës, ka reaguar për mes rrjetit social “Twitter”, shefi i stafit të Presidencës së Kosovës, Blerim Vela.
Sipas tij vendimi për largim të serbëve nga institucionet e Kosovës i ngjan aktit të nxitjes së Rusisë në Donbas në vitin 2014.
“Serbia është duke i detyruar dhe nxitur serbët e Kosovës që të braktisin punën e tyre në institucionet e Kosovës. Ky akt i ngjan nxitjes së Rusisë në Donbas në vitin 2014. Gjithashtu tregon se Lista Srpska gllabërohet nga çdo agjenci dhe trajtohet si mjet për të destabilizuar Kosovën nga regjimi i Vuçiqit”, ka shkruar Vela në Twitter.
Sipas tij me detyrimin e serbëve të Kosovës që të largohen nga institucionet e Kosovës, Serbia shkeli në mënyrë të njëanshme të gjitha marrëveshjet e Brukselit për shpërbërjen e strukturave të saj ilegale në Kosovë.
“Një frikësim i tillë nuk do të funksionojë, institucionet e Kosovës do të mbeten multietnike dhe përfaqësuese të të gjitha komuniteteve”, tha ai. /Kosovatgimes/
🚨With coercion of Kosovo Serbs to leave 🇽🇰 institutions, #Serbia unilaterally violated all Brussels agreements on disbandment of its illegal structures in #Kosovo.
Such intimidation will not work! 🇽🇰 institutions will remain multiethnic and representative of all communities.
— Blerim Vela (@Blerim_Vela) November 5, 2022
