Drejtori i televizionit në RTK, Rilind Gërvalla është pritur sot në selinë e Komitetit Olimpik të Kosovës nga presidenti i këtij institucioni, Ismet Krasniqi dhe sekretari i përgjithshëm Besim Aliti. Gërvalla në këtë takim shoqërohej nga producenti ekzekutiv i programit të sportit në RTK, Artan Muhaxhiri.
RTK do të bëjë transmetimin e drejtpërdrejt të Lojërave Olimpike ‘Paris 2024’, derisa ka siguruar edhe të drejtat e transmetimit për Lojërat Olimpike Dimërore “Milano Cortina 2026” dhe “Los Anxhelos 2028”.
“Në lidhje me këtë, të dyja palët shprehën vullnetin dhe gatishmërinë për të bashkëpunuar për LO Paris 2024, si dhe për koordinim të promovimit të Festivalit Olimpik, i cili do të organizohet në sheshin e Prishtinës, pikërisht në kohën kur mbahen LO Paris 2024”, thuhet në njoftimin e KOK-ut pas këtij takimi.
Drejtuesit e KOK-ut dhe drejtori Gërvalla u pajtuan edhe për gjetjen e urave tjera të bashkëpunimit, veçanërisht për Lojërat Mesdhetare Prishtina 2030, ku RTK është partnere.
