Paulo Montero zyrtarisht do ta drejtoj Juventusin në dy ndeshjet e fundit të këtij sezoni.
Montero do të zëvendësojë Massimiliano Allegrin, i cili u shkarkua nga kreu i bankinës së juventinëve.
Montero tashmë ka nisur punën në krye të ‘Zonjës së Vjetër’.
Ai do ta drejtojë Juvën në dy sfidat e radhës, kundër Bologna-s dhe Monzë-s.
Pasi mbylli kampionatin Primavera me një barazim ndaj Frosinones, ish-mbrojtësi uruguaian mori përsipër drejtimin e ekipit të parë deri në fund të sezonit.
Ndërkohë, Thiago Motta sipas mediave italiane, është trajneri më i mundshëm për të marrë ‘timonin’ e Juvës në sezonin e ardhshëm.
