Asambleja e Përgjithshme e Kombeve të Bashkuara miratoi rezolutën, sipas së cilës 11 Korriku shpallet Ditë Ndërkombëtare e Përkujtimit të Viktimave të Gjenocidit në Srebrenicë.
Zv/kryeministrja Emilja Rexhepi, duke komentuar miratimin e Rezolutës, tha në RTK se kjo do të mundësojë që secili popull ta dijë realitetin e asaj që ka ndodhur.
“Jo vetëm t’i japim qetësinë nënave dhe motrave që kanë humbur burrat e djemtë e tyre, por të ngrisim zërin që asnjë populli të mos i ndodh kjo gjë. Rezoluta është e rëndësishme që të ndëshkojë këtë vepër dhe që të thuhet edhe në libra shkollor dhe që secili popull të dijë çfarë ka ndodhur me theksimin që askujt mos t’i ndodhë një gjë e tillë”, tha ajo.
