Kryeministri izraelit Benjamin Netanyahu ka shprehur kundërshtim të fortë ndaj kërkesave të bëra nga Yahya Sinwar, lider i Hamasit, në negociatat e vazhdueshme për lirimin e pengjeve.
“Ndërsa kryeministri Netanyahu herë pas here i dha ekipit negociator një mandat të gjerë për të liruar pengjet tanë, Sinwar vazhdon të kërkojë fundin e luftës, tërheqjen e IDF nga Rripi i Gazës dhe lënien e Hamasit të paprekur, në mënyrë që të mund të kryejë mizoritë e 7 tetorit pa pushim”, tha zyra e kryeministrit izraelit.
“Kryeministri Netanyahu e kundërshton fuqishëm këtë. Informatat nga ekipi negociator vetëm sa forcojnë pozicionin e Hamasit, dëmtojnë familjet dhe vonojnë lirimin e pengjeve tanë”, thekson tutje zyra e kryeministrit izraelit, raporton CNN.
Komentet nga zyra e Netanyahut erdhën përpara takimit të kabinetit të luftës të së dielës, i cili aktualisht është duke u zhvilluar.
