Moti i nxehtë ka shkaktuar shumë viktima në të gjithë Indinë. Vetëm në 3 ditët e fundit, dhjetëra persona janë raportuar të vdekur nga vapa ekstreme atje.
Më shumë se 50 persona në Indi në tre ditët e fundit kanë humbur jetën nga të nxehtit. Vapë brutale po vazhdon të përfshijë disa pjesë të vendit. Rreth 33 persona vdiqën në shtetin verior të Uttar
Pradesh, 20 të tjerë në shtetin Odisha sipas medieve vendore. Shumë nga këto vdekje u raportuan më 1 qershor përderisa India është ne fazën e fundit të votimeve për zgjedhjet e përgjithshme.
Rezultatet e zgjedhjeve pritet të shpallen më 4 qershor. E sipas Ministrisë federale të shëndetësisë ka pasur të paktën 56 vdekje të konfirmuara nga nxehtësia nga 1 marsi deri më 30 maj. Gjatë kësaj periudhe janë raportuar rreth 24,849 raste të goditjes nga nxehtësia.
Megjithatë, shifrat shtetërore sugjerojnë se numri aktual mund të jetë shumë më i lartë. Departamenti i motit në Indi ka deklaruar se temperaturat ka të ngjarë të bien në ditët në vijim.
