Gazetari Eugen Saraqini, tha se roli i presidentit historik të Kosovës Dr. Ibrahim Rugova, në ndërkombëtarizimin e çështjes së Kosovës ishte tejet i madh.
Ai në një panel diskutues e quajti Rugovën si “baba i shoqërisë së asaj kohe”.
“Zhvillonte aktivitetet në favor të interesit të përgjithshëm”, tha Saraçini.
Saraçini tha se ishte një lider pro perëndimor.
“Studimet i kishte përfunduar në një vend perëndimor, frymonte në mënyrë perëndimore dhe reflektonte në mënyrë perëndimore”, tha ai.
Përveç tij në panelin e dytë të konferencës ndërkombëtare të organizuar nga LDK-ja po marrin pjesë edhe gazetari dhe autori i emisionit Rubikon,
Adriatik Kelmendi, gazetari dhe autori i emisionit Opinion, Blendi Fevziu dhe ish-ministri dhe themeluesi i Institutit për Marrëdhënie me Jashtë, Alush Gashi.
Kjo konferencë u mbajt në vigjilje të 25 vjetorit të çlirimit të Kosovës, ku u diskutua rreth ndërkombëtarizimit të çështjes së Kosovës dhe ndikimi i presidentit historik, Ibrahim Rugova.
