Gjykata Evropiane e të Drejtave të Njeriut (GJEDNJ) vendosi njëzëri më 13 qershor se vendimi i Qeverisë së Azerbajxhanit për të bllokuar qasjen në Shërbimin e Azerbajxhanit të Radios Evropa e Lirë ishte shkelje e Konventës për Mbrojtjen e të Drejtave të Njeriut dhe Lirive Themelore.
Shërbimi i Azerbajxhanit i Radios Evropa e Lirë, i njohur lokalisht si Azadliq, u bllokua në vitin 2017 pas një vendimi nga një gjykatë në Baku, e cila pretendonte se uebsajti kishte postuar përmbajtje që “promovonte dhunën dhe ekstremizmin fetar dhe bëri thirrje, ndër të tjera, për trazira masive”.
Katër media të tjera — anaxeber.az, 24Saat.org, az24saat.org dhe xural.com — i ishin bashkuar çështjes së Radios Evropa e Lirë kundër Azerbajxhanit.
Të katër mediat u akuzuan për publikimin e “informacioneve të rreme, mashtruese dhe shpifëse”.
Radio Evropa e Lirë dhe paditësit e tjerë insistuan në padinë e tyre se vendimi për bllokimin e faqeve të tyre të internetit ishte “ekstrem”.
Ata argumentuan se arsyeja kryesore që u ndaluan ishte për shkak të kritikave të tyre ndaj qeverisë dhe raportimeve për korrupsionin.
Lëvizja për të bllokuar Shërbimin Azerbajxhan të Radios Evropa e Lirë u ndërmor pasi publikoi raporte investigative në lidhje me aktivitetet financiare të lidhura me anëtarët e familjes së presidentit Ilham Aliyev dhe rrethit të tij të ngushtë.
Raportet janë prodhuar nga Radio Evropa e Lirë në bashkëpunim me Projektin e Raportimit të Krimit të Organizuar dhe Korrupsionit (OCCRP) me bazë në Sarajevë.
Radio Evropa e Lirë e dënoi vendimin në vitin 2017, duke akuzuar qeverinë për “një përpjekje tjetër flagrante” për të “heshtur raportimet tona në Azerbajxhan”.
Në vendimin e saj, GJEDNJ-ja tha se Qeveria e Azerbajxhanit duhet t’i paguajë çdo aplikuesi (mediave mbështetëse) një total prej 6.000 eurosh (6.500 dollarë) për dëmet dhe shpenzimet e tjera.
Aliyev ka udhëhequr ish-republikën sovjetike prodhuese të naftës që pak para vdekjes së babait të tij, Heydar Aliyev, në vitin 2003.
Ai ka hequr dorë nga kritikat e shpeshta nga grupet e të drejtave dhe qeveritë perëndimore që thonë se ai ka burgosur kritikët me pretendime të rreme dhe ka abuzuar me pushtetin për të shtypur disidencën.
