Presidentja e Kosovës, Vjosa Osmani, është takuar me presidentin e Kenias, William Ruto.
“Në takimin tonë të tretë brenda një periudhe njëvjeçare, me presidentin e Kenias, William Ruto, diskutuam sërish për avancimin e raporteve në mes të Republikës së Kosovës dhe Kenias”, ka shkruar Presidentja Osmani, njofton, sot, zyra për informim e Presidencës.
Ndyshe, presidentja Osmani të dielen ka mbajtur fjalimin përmbyllës në Samitin e Paqes për Ukrainën në Zvicër, ku morën pjesë liderë nga 100 shtete të të gjitha kontinenteve. /Kosovatimes/
