Ambasada Amerikane në Kosovë, ka deklaruar se ShBA-ja është e përkushtuar në mbështetjen e viktimave dhe të mbijetuarve të dhunës seksuale gjatë luftës.
Përmes një postimi në “X”, me rastin e Ditës ndërkombëtare për eliminimin e dhunës seksuale në konflikt, nga ambasada bëhet thirrje të “qëndrojmë së bashku për një botë pa dhunë dhe konflikte”.
“Këtë Ditë ndërkombëtare për eliminimin e dhunës seksuale në konflikt, le të qëndrojmë së bashku për një botë pa dhunë dhe konflikte që u mundëson grave dhe vajzave të ushtrojnë të drejtat e tyre njerëzore dhe të përfaqësohen dhe të udhëheqin vendimmarrjen. Dhuna seksuale e lidhur me konfliktin nuk është një pasojë e pashmangshme e luftës – ajo mund dhe duhet të parandalohet. Shtetet e Bashkuara janë të përkushtuara për të mbështetur viktimat dhe të mbijetuarit e kësaj dhune”, thuhet në postimin e Ambasadës së ShBA-së. /Kosovatimes/
This #IDESVC let’s stand together for a world free from violence and conflict that enables women and girls to exercise their human rights and be represented and lead decision-making. pic.twitter.com/M4Uc64oOgp
— U.S. Embassy Pristina (@USEmbPristina) June 19, 2024
