Prokuroria Federale e Gjermanisë njoftoi sot arrestimin e tre personave të dyshuar për spiunazh për një shtet të huaj.
Sipas njoftimit, ata janë një rus, një ukrainas dhe një armen , të cilët po vëzhgonin një kafene në Frankfurt, ku ndodhej objektivi i tyre, një burrë nga Ukraina.
Ky i fundit, siç raporton Der Spiegel, ka dyshuar tek ata dhe ka lajmëruar policinë. Tre të dyshuarit, të cilët besohet se punojnë për shërbime të huaja inteligjente, janë arrestuar dhe po merren në pyetje.
Sipas revistës, është ende e paqartë se për cilën agjenci ruse punonin tre të arrestuarit , ndërkohë që njeriu që ata po vëzhgonin ka luftuar me ushtrinë ukrainase kundër forcave ruse.
