Aktivistja serbe për të drejtat e njeriut, Natasha Kandiq, ka reaguar ashpër pas ndalimit të festivalit “Mirëdita, dobar dan” nga autoritetet e Serbisë.
Ajo ka akuzuar shtetin serb se është pozicionuar në anën e huliganëve dhe se me këtë veprim, është pamundësuar zhvillimi i debateve për pajtim.
http://199.192.21.43/2024/06/27/serbia-urdheron-te-nderpritet-festivali-miredita-dobar-dan
“Me ndalimin e ‘Mirëdita, dobar dan’, Serbia dhe institucionet e saj u rreshtuan me huliganët dhe u zhytën në errësirën e etnonacionalizmit ekstrem. Në Serbi tani nuk mund të organizohet debat për pajtim dhe as protestë kundër glorifikimit të kriminelëve. Vrimë e zezë”, ka shkruar ajo në platformën X.
Më herët, ministri i Brendshëm i Serbisë, Ivica Daçiq, ka deklaruar se ndalimi i festivalit u bë për arsye sigurie. Festivali ishte planifikuar të hapej sot në orën 18:30 në sheshin Dorqol. Megjithatë, disa orë para hapjes, një grup i madh i djathtistëve u mblodhën në hyrje të zonës, duke valëvitur flamuj serbë dhe duke kënduar këngë nacionaliste dhe kundër Kosovës. /Kosovatimes/
With the ban on”Mirdita”,Serbia and its institutions have aligned themselves with hooligans and the darkest ethnonationalist https://t.co/480IwKUB87 is no longer possible to organize a debate on reconciliation,nor a protest against the glorification of war criminals.A black hole.
— Natasa Kandic (@natasakandic) June 27, 2024
