Ministri i Punëve të Jashtme të Serbisë, Ivica Daçiq, ka thënë sot se bazat e planit franko-gjerman për Serbinë janë të papranueshme sepse plani fillimisht nis nga fakti që Kosova është e pavarur.
“Vendimet tona për vendosjen e sanksioneve kundër Rusisë në mënyrë direkte dhe indirekte kanë ndikim në qëndrimin tonë në lidhje me Kosovën, nëse e bëjmë këtë do të zemërojmë pak miqtë tanë tradicionalë”, tha Daçiq në paraqitjen e mëngjesit të sotëm në Pink TV.
Ai shtoi se Serbia duhet të shtrijë dorën në të gjitha anët e botës dhe se duhet të jetë e përqendruar në interesat e saj kombëtare.
“Serbia rrezikon shumë duke vendosur sanksione ndaj Rusisë, nuk ka garanci se nuk do të rrezikojë interesat e saj kombëtare”. Ne nuk kemi garanci nga dikush nga perëndimi se këto interesa do të mbrohen”, tha shefi i diplomacisë. /Kosovatimes/
