Në rajonin GREQ të Halkidikit pasditen e sotme, rrufeja ka goditur një vajzë (13), e cila ishte me pushime me familjen e saj, raportojnë mediat greke. Tragjedia ka ndodhur rreth orës 16:30 kur familja ndodhej në plazhin me rërë të Poseidit. Sipas Prototema , familja është nisur drejt makinës kur ka parë se po vinte stuhi, por rrugës janë goditur nga rrufeja dhe vajza ka ndërruar jetë në vend.
Ekipet e shpëtimit u përpoqën ta shpëtonin, por pa sukses. Në këtë ngjarje u plagos edhe nëna e saj. Shtetësia e fëmijës dhe nënës nuk dihet ende. Mediat greke shkruajnë se sot zona e Halkidikisë është përfshirë nga një stuhi me reshje të dendura shiu.
