Sondazhi përfshiu 20 variabla, duke mbuluar tema nga mirëqenia personale (kënaqësia me fusha të ndryshme të jetës, ndjenja pozitive dhe negative si lumturia, përkatësia dhe vetmia) deri te pjesëmarrja në jetën sociale dhe kulturore.
Të dhënat e statistikave zyrtare evropiane Eurostat treguan se qytetarët e Malit të Zi, pas banorëve të Turqisë, janë evropianët më të pakënaqur sipas sasisë së kohës së lirë.
Sipas statistikave zyrtare evropiane, qytetarët e Finlandës janë më të kënaqur me sasinë e kohës së lirë, të ndjekur nga Danimarka dhe Sllovenia.
Vlerësimet më të ulëta në BE janë raportuar në Greqi dhe Bullgari, ndërsa shkalla e kënaqësisë me sasinë e kohës së lirë në Mal të Zi është edhe më e ulët.
Sondazhi përfshiu 20 variabla, duke mbuluar tema nga mirëqenia personale (kënaqësia me fusha të ndryshme të jetës, ndjenja pozitive dhe negative si lumturia, përkatësia dhe vetmia) deri te pjesëmarrja në jetën sociale dhe kulturore.
“Në 11 vende të BE-së, kënaqësia e përgjithshme me sasinë e kohës së lirë u regjistrua në shtatë pikë ose më shumë. Vlerësimet më të larta u regjistruan në Finlandë (7.7), Danimarkë dhe Slloveni (të dyja 7.5). Rezultatet më të ulëta u raportuan në Greqi (5.5), Bullgari (5.7) dhe Qipro (6.2)”, sipas Eurostat.
Kur bëhet fjalë për vendet kandidate, shkalla e kënaqësisë me sasinë e kohës së lirë në to është nën mesataren e BE-së: në Mal të Zi vlerësimi është vetëm 5.3, në Turqi 4.8 dhe në Serbi vlerësimi është gjashtë. Nuk ka të dhëna për BiH, Maqedoninë e Veriut, Kosoven dhe Shqipërinë.
Familjet pa fëmijë, njerëzit me arsim të mesëm të ulët dhe të rriturit janë më të kënaqur me sasinë e kohës së lirë, sipas Eurostat.
Personat me arsim të mesëm të ulët shënuan nivel më të lartë të kënaqësisë (6.9), ndërsa personat me arsim të mesëm kishin 6.8 pikë.
Për sa i përket moshës, niveli më i lartë i kënaqësisë me sasinë e kohës së lirë është shënuar tek të moshuarit (65 vjeç e lart) me 7.6 pikë, i ndjekur nga grupi më i ri (16-24 vjeç) me 7.1 pikë.
Personat e moshës 25 deri në 64 vjeç ishin më pak të kënaqur me sasinë e kohës së lirë (6.4 pikë).
