Ministri i Mbrojtjes, Ejup Maqedonci, bëri të ditur se ka pritur në takim ish-komandantin e KFOR-it, dhe të Komandës së Forcave të Përbashkëta Aleate në Brunssum të Holandës, Gjeneral Erhard Buhler.
Maqedonci, në një postim në Facebook, tha se me Buhler biseduan për situatën aktuale të sigurisë në vend, por edhe për synimin e Kosovës për t’u anëtarësuar në NATO
“Diskutuam për situatën aktuale të sigurisë në vend, stadin e zhvillimit në të cilin gjendet Forca e Sigurisë së Kosovës, si dhe synimin e Kosovës për t’u anëtarësuar në NATO. Falënderova gjeneralin Buhler për shërbimin e tij në Kosovë si komandant i KFOR-it, për kontributin e tij të paçmim në sigurinë e vendit për të cilën do të mbetet gjithmonë mik i Kosovës”, ka shkruar Maqedonci në Facebook. /Kosovatimes/
