Janë lënduar tetë persona pas një aksidenti që ka ndodhur në orët e hershme të mëngjesit të sotëm (ditë e shtunë) në Prishtinë.
Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 02:00, është pranuar informata për një aksident trafiku rrugor të ndodhur në udhëkryqin që lidhë rrugët ‘Eqrem Çabej’ dhe ‘Agim Ramadani’. Në aksident janë përfshirë dy automjete, ku tetë persona kanë pësuar lëndime trupore. Të njëjtit janë dërguar në QKUK për trajtimin e nevojshëm mjekësor”, tha Flora Ahmeti për RTKlive.
Ahmeti tha se njësia rajonale e trafikut po merret me rastin
