Zyrtarët e doganës në pikën kufitare Gradina mes Bullgarisë dhe Serbisë, në bashkëpunim me policinë, kanë penguar një pasagjere që të kalonte kontrabandë përtej kufirit pothuajse 57 mijë euro me të brendshmet që kishte veshur.
Rasti u zbulua kur një “Porsche Cayenne” me targa të huaja, në të cilën dy pasagjerë po udhëtonin nga Gjermania drejt Turqisë, mbërriti në linjën e kontrollit në dalje nga vendi.
Ndonëse kanë deklaruar vetëm bagazhet personale dhe shumën e lejuar të parave të gatshme, gjatë kontrollit të pasagjerit iu gjetën 56.800 euro në të brendshmet dhe sutjenat e pasagjerit. Një kontroll i mëtejshëm zbuloi 18 mijë euro të tjera në çantën e shoferit.
Udhëtarëve iu janë kthyer nga 10 mijë euro, shuma që mund të bartet përtej kufirit pa raportim, ndërsa për fatin e shumës së mbetur prej 54,800 euro do të vendos gjykata kompetente, shkruan Blic.