Janë bërë 25-vjet nga vrasja e Yll, Agron dhe Mehmet Bytyqi.
Ata ishin arrestuar nga Serbia, në fund të qershorit, pasi kishin kaluar gabimisht kufirin teksa po përcillnin një familje rome nga Prizreni drejt Serbisë.
Gjatë paraburgimit ata u zhdukën e më pas trupat e tyre u gjetën më vonë në një bazë në Petrovo Selo në Serbinë Lindore.
E në këtë ditë ata i ka përkujtuar presidentja e Kosovës, Vjosa Osmani.
Osmani e akuzoi shtetin serb, se po vazhdon t’i lavdërojë kriminelët e luftës.
“Familja e Yllit, Agronit, dhe Mehmet Bytyqit, qytetarë amerikanë të vrarë brutalisht 25 vjet më parë, ende kërkojnë drejtësi. Edhe sot e kësaj dite, regjimi i Serbisë vazhdon të lavdërojë kriminelët e luftës, në vend që t’i mbajë ata përgjegjës. Nuk do të pushojmë derisa keqbërësit të përballen me drejtësinë”, ka shkruar ajo në X. /Kosovatimes/
The families of Yll, Agron, and Mehmet Bytyqi, U.S. citizens brutally killed 25 years ago, are still seeking justice.
To this day, Serbia’s regime continues to glorify war criminals, instead of holding them accountable.
We will not rest until perpetrators face justice.
— Vjosa Osmani (@VjosaOsmaniPRKS) July 8, 2024
