Dhomat e Specializuara të Hagës kanë konfirmuar akuzën ndaj Januzit, Bahtijarit dhe Shalës dhe njoftoi se Januzi dhe Bahtijari të premten, më 12 korrik në orën 09:30 do të paraqiten në gjykatë.
Gjykatësja e Procedurës Paraprake në çështjen Januzi, Bahtijari dhe Haxhi Shala konfirmoi, sot, ndryshimet në aktakuzën e përbashkët dhe urdhëroi ZPS-në të dorëzonte versionin e fundit të kësaj aktakuze deri më 10 korrik.
“Pasi të dorëzohet, ajo do të jetë aktakuza në fuqi në këtë çështje gjyqësore. Në përputhje me rregullën 90(3), gjykatësja Masëlo (Masselot) caktoi paraqitjen e mëtejshme të Januzit dhe Bahtijarit të premten, 12 korrik në orën 09:30. Meqenëse pretendimet e reja faktike ishin pjesë e aktakuzës fillestare kundër Haxhi Shalës, nuk kërkohet që ai të jetë i pranishëm në seancë. Versioni publik i vendimit mund të shihet”, njoftoi sot ZPS.
