Libri: Jeta muzikore në Kosovë, periudha e deinstitucionalizimit (1990-1999)
Në këtë libër prezantohet një pjesë e ngjarjeve kulturore, vështrimeve kritike, e formave të tjera të aktiviteteve të cilat shënojnë një periudhë të vrazhdë nëntë vjeçare (viti 1990-1999) në Kosovë.
“Këto ngjarje zhvillohen në rrethana të vështira, kur masat e dhunshme aplikohen nga regjimi totalitar serb, në të gjitha sferat e jetës.
Titullin e librit e përzgjodhëm nga fakti se pikërisht kjo periudhë ishte sfidë për të gjithë ata që merreshin me kulturë, dhe posaçërisht me muzikë: të mbijetohet nga kjo trysni, apo të krijohet një ndjenjë e nënshtrimit mbi qenien tonë, të cilën me ngulm e plasojë regjimi serb.
Mbyllja e Institucioneve të informimit, arsimit, shëndetësisë etj., krijoi probleme të shumta. Posaçërisht mbyllja e Radio- televizionit të Prishtinës, gazetës Rilindja”, Produksionit Muzikor, e venë jetën kulturore dhe atë muzikore në margjina.
Si rezultat i kësaj gjendjeje të vështirë e të tkurrjes totale, u krijua një embrion tjetër jashtë kësaj fryme të trysnisë së aplikuar me dhunë.
Në vend të gazetës së ndaluar “Rilindja”, shqiptarët e Kosovës e filluan së botuari gazetën “Bujku”. Prandaj, për informacionin e gjeneratës së re, është e rëndësishme të theksohet se, pikërisht kjo gazetë luajti një rol shumë të rëndësishëm në informimin e drejtë të ngjarjeve dhe trysnive të aplikuara nga serbët mbi popullin shqiptarë të Kosovës. Duke shfletuar periudhën në fjalë, bien në sy një varg aktivitetesh të regjistruara, si dëshmi e kohës së orvatjeve për të krijuar një mëvetësi informative, kulturore, dhe të të gjitha formave, jashtë kornizave destimuluese e hegjemoniste serbe.
Në fund do theksuar se libri ve në spikamë një periudhë nëntëvjeçare të kohërave të vështira të identitetit tonë, por edhe të ndërgjegjësimit krijues e reprodukues, e që arrin të identifikohet me kolektivitetin e vet nacional, me fatin dhe tragjiken e tij.
Ai është një argument më tepër të merret si një përjetim i jetës dhe proceseve jetësore, aktualitetit të kohës dhe pasqyrimit në rrafshin e informacionit, dhe jo vetëm të tij.
Me këtë rast falënderojë
Redaktorët : Ahmet Bella e Kreshnik Aliçkaj
Recenzentët: Elife Podvorica e Kushtrim Jakupi
Dizajnerin: Milot Llalloshi
Shtypshkronja: Prograf-Prishtinë
Faqosja e librit: Mustafa Berisha
Botuesi: Artini-Prishtinë
MKRS departamenti i Kulturës
Komuna e Prishtinës- drejtoria për Kulturë”, ka shkruar autori i librit në profilin e tij në facebook. /Kosovatimes/
