EDHE PËR TRE TË RINJ, SHTOHET NUMRI I GJYQTARËVE TË FPPK-SË
Të premten, në lokalet e Shtëpisë së sporteve, në Prishtinë, Federata e Pingpongut e Kosovës ka organizuar seminarin për gjyqtarë të rinj të pingpongut. Në seminar morën pjesë gjyqtarët aktual kombëtar, si dhe 7 kandidatë të rinj, të cilët iu nënshtruan provimit teorik. Tre, nga shtatë kandidatët, e kaluan me sukses provimin dhe fituan të drejtën për tu certifikuar në thirrjen gjyqtar kombëtar. Shpresojmë se këta gjyqtarë të rinj, do ti kontribuojnë rritjes së cilësisë së referimit, po ashtu do të ndikojnë në ngritjen e kapaciteteve të FPPK-së.
Gjyqtarët e rinj kombëtar janë: Xhelal Bislimi, nga Gjilani, si dhe Vëllezërit Erjon dhe Endri Reka nga Ferizaj.
NAIM AZEMI ME SUKSES NIS RRUGËTIMIN PËR BLUE BADGE
Krahas arritjeve të gjyqtarisë në rrafshin kombëtar, shënohet një sukses edhe në arenën ndërkombëtare. Gjyqtari ndërkombëtar, Naim Azemi, i cili po merr pjesë në Kampionatin Botëror për veteranë, që është duke u mbajtur në Romë, e ka ndjekur Seminarin e avancuar për Rregullat e Lojës së pingpongut (AUT-Advanced Umpires Training) dhe i është nënshtruar provimit teorik (ARE-Advanced Rules Exam) për thirrjen Blue Badge dhe me sukses e ka kaluar atë. Azemit, për ta fituar titullin Blu Badge i nevojitet ta kalojë edhe provimin praktik, që nënkupton se duhet të marrë, së paku katër vlerësime pozitive, në udhëheqjen e ndeshjeve, nga evaluatorët ndërkombëtar. /Kosovatimes/
