Më shumë se 50 laureatë të çmimit Nobel nënshkruan një letër të hapur duke bërë thirrje për t’i dhënë fund armiqësive në Ukrainë dhe Rripin e Gazës. Apeli u drejtohet palëve në konflikt, Papës, Patriarkut të Kostandinopojës, Dalai Lamës, OKB-së, Parlamentit Evropian dhe Asamblesë Parlamentare të Këshillit të Evropës. Dokumenti është publikuar nga Novaya Gazeta.
Përveç armëpushimit të menjëhershëm, autorët e apelit bëjnë thirrje për shkëmbim të të burgosurve në një format të gjithë për të gjithë, lirimin e pengjeve, kthimin e trupave të të vdekurve dhe fillimin e negociatave për paqen.
Autorët e apelit shkruajnë se të paktën 55 konflikte të armatosura vazhdojnë në botë dhe pasojat e luftës së Rusisë kundër Ukrainës kanë shkaktuar një përkeqësim të urisë në Afrikë. Sipas laureatëve të Nobelit, rritja e shpenzimeve për armë është e krahasueshme me kostot që do të ndalonin urinë në të gjithë planetin për 80 vjet.
Në letër thuhet gjithashtu se numri i të vdekurve dhe të plagosurve në Evropën Qendrore do të kalojë një milion deri në fund të këtij viti për herë të parë që nga Lufta e Dytë Botërore.
Jepuni fëmijëve tanë mundësinë të na mbijetojnë, të mos vrasim njëri-tjetrin, por të shpëtojmë planetin. thekson apeli.
Ndër autorët e letrës janë laureati i Çmimit Nobel për Paqe 2021, ish-kryeredaktori i Novaya Gazeta Dmitry Muratov dhe shkrimtarja bjelloruse Svetlana Alexievich.
