Presidenti i Bjellorusisë Aleksandër Lukashenko njoftoi sot zbutjen e tensioneve në kufirin me Ukrainën, duke vënë në dukje se forcat ukrainase janë tërhequr nga zona kufitare dhe forcat bjelloruse janë kthyer në kazermat e tyre.
“Dua që njerëzit ta dinë: situata është stabilizuar në kufirin Bjellorusi-Ukrainë. “Ne nuk do të luftojmë dhe nuk do të përqendrojmë forcat tona të armatosura këtu, përveç forcave të operacioneve speciale,” tha udhëheqësi bjellorus.
Ai theksoi se aktualisht nuk ka komplikime me Ukrainën dhe shtoi se shpreson që të mos ketë as në të ardhmen, transmeton agjencia Belta.
