Kryetari i Partisë Demokratike të Kosovës, Memli Krasniqi, ka dënuar tentim vrasjen ndaj ish-presidentit Donald Trump, duke e quajtur si sulm të drejtpërdrejtë ndaj demokracisë.
“Jam thellësisht i tronditur nga atentati ndaj ish-Presidentit Donald Trump gjatë tubimit të tij zgjedhor në Butler të shtetit Pennsylvania. Akte të tilla të dhunës janë të papranueshme dhe paraqesin sulm direkt ndaj demokracisë”, ka thënë Krasniqi.
Ai ka dënuar aktin teksa ka shprehur solidarizimin e tij dhe të Partisë Demokratike të Kosovës me Shtetet e Bashkuara të Amerikës.
“Mendimet dhe lutjet tona janë me ish-Presidentin Trump, familjen e tij dhe popullin amerikan. Urojmë që ish-Presidenti Trump të rikuperohet shpejtë nga ky sulm i rëndë ndaj tij dhe t’i rikthehet aktiviteteve të fushatës zgjedhore. Kosova dhe qytetarët tanë mbeten të palëkundur në mbështetjen tonë për Shtetet e Bashkuara të Amerikës”, ka vazhduar më tej Krasniqi. /Kosovatimes/
