Lamine Yamal i Spanjës mbushi 17 vjet të shtunën, një ditë para finales së Kampionatit Evropian ndaj Anglisë.
Për ditëlindje, kapiteni i Anglisë, Harry Kane, i dërgoi atij urime të përzemërta.
Yamali ka qenë prej lojtarëve më të mirë në “Euro 2024”, ndërsa ka shënuar supergol ndaj Francës në gjysmëfinale.
“Ia kam uruar ditëlindjen. Ai është lojtar fantastik. Në moshën 17-vjeçare të bësh gjëra të tilla në një turne si ky, tregon shumë për të. Mund ta shohësh se ai luan pa frikë, me lirinë dhe kënaqësinë më të madhe. Dua që ta uroj për atë që ka bërë deri tani”, ka deklaruar Kane para gazetarëve, shkruan “Goal.com” të dielën.
