Zjarrfikësit bullgarë po luftojnë me zjarre të shumta në pyje në mes të një vale të nxehtit, ku më së shumti është goditur juglindja e vendit, raportojnë mediat.
Më shumë se 7,300 hektarë tokë pyjore dhe bujqësore po digjen në rajonin e Svilengradit, pranë tre kufirit me Greqinë dhe Turqinë, sipas raporteve zyrtare. Në disa zona është shpallur gjendja e jashtëzakonshme, por nuk raportohet për të lënduar.
Zjarret në rajon mund të zhvendosen në Turqi, raportoi televizioni privat bTV.
Ushtria është vendosur për të shuar zjarret në rajonin e Plovdivit në jug. Trafiku në zonë u devijua për shkak të zjarrit përgjatë autostradës drejt Varnës në Detin e Zi.
Vala e të nxehtit, e para e kësaj vere, ka të ngjarë të vazhdojë me rritjen e temperaturave mbi 40 gradë Celsius në shumë zona, parashikojnë sinoptikanët.
