Drejtoresha e Arsimit në Prishtinë, Jehona Lushaku-Sadriu në cilësinë e dëshmitares në Komisionin Hetimor Parlamentar për procesin e subvencionimit të blerjes së teksteve shkollore dhe mjeteve mësimore, ka dhënë disa deklarata fillestare, për të cilat, sikundër u shpreh ajo, është e rëndësishme të dihen nga Komisioni.
Lushaku-Sadriu bëri të ditur funksionin e saj si drejtore e Drejtorisë së Arsimit ka marrë në periudhën që nuk ka qenë në detyrë për periudhën që Komisioni ka në fokus të hetimit të procesit të subvencionimit të blerjes së teksteve shkollore dhe mjeteve mësimore.
Megjithatë, ajo u shpreh e gatshme të ofrojë të gjitha të dhënat që ka në dispozicion Drejtoria e Arsimit të Komunës së Prishtinës në funksion të arritjes të të dhënave që kërkohen.
“Të dhënat zyrtare i ka përcjellë zyrtarja e jonë e cila ka qenë udhëheqja e Komisionit për shpërndarjen e librave dhe organizimin e mbledhjes së të dhënave nga shkollat për katalogun zyrtar që ia ofrojmë MASHTI-t çdo vit”, deklaroi Lushaku.
Sipas saj, DKA ka pasur komunikime zyrtare fillestare me Ministrinë e Arsimit, sipas saj të parapara me ligj dhe udhëzim administrativ, si dhe me procedurë të re të komunikimit dhe të furnizimit të librave të miratuar nga MASHTI.
Lushaku tha se është e gatshme të diskutojë për këtë çështje në mënyrë të hapur për gjithë çka di lidhur me subvencionimit të blerjes së teksteve shkollore dhe mjeteve mësimore.
