Nata e fundit e Gjakova Gastronomy Festival përfundoi me një atmosferë të jashtëzakonshme të krijuar nga këngëtari Edi Furra, një ikonë e muzikës popullore shqiptare. Performanca e tij ndezi skenën dhe argëtoj të gjithë të pranishmit, duke bërë që nata e mbylljes të jetë një përvojë që nuk do të harrohet lehtë.
Edhe netët e shkuara të këtij festivali ishin të mbushura me mysafirë dhe argëtim. Nga performanca e mrekullueshme e Adelina Thaqi në natën e parë, tek performancat e Fisnikëve, Rilindja, Grupi NA dhe Eranda Bytyqi & Band, çdo natë solli diçka të veçantë dhe të paharrueshme për të gjithë të pranishmit.
Organizatorët falënderojnë Komunën e Gjakovës për mikpritjen e ngrohtë dhe për mbështetjen e tyre të vazhdueshme. Pa këtë mbështetje, festivali nuk do të kishte qenë i mundur.
Po ashtu falënderojnë të gjithë ata që ishin pjesë e këtij festivali. Shihemi përsëri vitin e ardhshëm për një tjetër edicion të Gjakova Gastronomy Festival, me më shumë muzikë, ushqime të shijshme dhe momente të paharrueshme! /Kosovatimes/
