Një kanal në platformën Telegram, me mijëra abonues, po krijon mesazhe të vogla, por të rrezikshme kundër luftës, të cilat po paraqiten nëpër rrugët e Rusisë dhe në ato që duket të jenë pozicione të ushtrisë ruse në Ukrainë. /rel/
Ky është njëri prej disa imazheve që thuhet të jenë shkrepur nga pjesëtarë të ushtrisë ruse, e që janë publikuar në kanalin “Wake Up Russia” (Zgjohu Rusi) në Telegram, më herët këtë vit.
Kanali “Wake Up Russia” është krijuar në marsin e vitit 2022, pasi Rusia nisi në shkurt pushtimin e saj në shkallë të gjerë në Ukrainë.
“Wake Up Russia” përshkruan veten si “komunitet i qytetarëve të ndërgjegjshëm rusë, të cilët kanë bërë zgjedhjen e tyre dhe po përpiqen t’i ‘zgjojnë’ të tjerët”.
Vendosja e letrave ngjitëse sikurse kjo në publik në Rusi bëhet me gjithë rrezikun e ndëshkimit të ashpër në bazë të ligjeve të kohës së luftës.
Ligjet e formuluara në mënyrë të paqartë kundër “diskreditimit” të ushtrisë ruse kanë rezultuar me dënime me burgim prej disa vitesh për aktivistët kundër luftës.
Kanali “Wake Up Russia” në Telegram përqendrohet mbi mospajtimet e shprehura brenda Rusisë, por, po ashtu, paraqet disa prej akteve të shumta kreative të kundërshtimit nga rusët jashtë vendit.
Sipas traditës sovjetike, televizioni shtetëror transmeton shfaqaje baleti pas vdekjes së një udhëheqësi në Kremlin.
Disa prej postimeve të shpërndara nga “Wake Up Russia” përfshijnë mesazhe personale nga ata që i kanë dërguar imazhe kanalit.
Fjongot përmbajnë fraza si “Familjet ruse për paqen” dhe “Gratë për jetën”.
