Policia e Komunikacionit Rrugor ka njoftuar se më 23 korrik rreth orës 04:45 në Ferizaj ka ndaluar shoferin 22-vjeçar I.H, qytetar i Republikës së Maqedonisë së Veriut, i cili me veturën e tij BMW ka tejkaluar shpejtësinë.
Policia ka bërë të ditur se ndaj tij ka shqiptuar një gjobë kundërvajtëse prej treqind euro dhe masë mbrojtëse prej tre muajve.
“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes, të respektojnë shenjat e trafikut. Ndërsa, ftojmë qytetarët që të bashkëpunojnë me policinë”, thuhet ndër të tjera në njoftim. /Kosovatimes/
