Anëtarja e Bordit të RTK-së, Arta Berisha, e konsideron si të papranueshme publikimin e lajmit të pambështetur në fakte në webfaqen e RTK-së dhe në edicionin e lajmeve qendrore gjatë ditës së djeshme.
“Në gazetari faktet janë të shenjta ndërsa aktiviteti i verifikimit të informatave është proces që i ka mundësuar gazetarisë të mbijetoj. Sinqerisht, arsyeja e problemeve në gazetari sot veçanërisht atë që bëhet vetëm online është mungesa e fakteve”, tha ajo.
Këtë qëndrim ajo e shprehu në mbledhjen e Bordit te RTK-së duke kërkuar nga Ushtruesja e Detyrës së Drejtoreshës së Përgjithshme marrjen e masave duke qenë se publikimi i lajmeve pa fakte është në kundërshtim me Ligjin e RTK-së, Statutin e RTK-së dhe Standardet Profesionale. Pjesën tjetër të analizës pres ta trajtoj me seriozitet komisioni i brendshëm.
“Bordi i RTK-së ka bërë rrugë të gjatë në deinstrumentalizimin e RTK-së dhe rivendosjen e parimeve profesionale që do ta ndihmonin transmetuesin publik ta kthej besimin dhe kredibilitetin që i takon, nganjëherë në bashkëpunim me menaxhmentin nganjëherë pa këtë bashkëpunim”, tha ajo duk shtuar se kjo rrugë vazhdon por jo duke bërë kompromis me elementet bazë të gazetarisë. /Kosovatimes/
