Garat e notit në ditën e dytë të Olimpiadës “Paris 2024” sollën emocione të mëdha dhe rekord të ri.
Notari francez, Leon Marchand, u kurorëzua me medaljen e artë olimpike në vendlindje, teksa e ka thyer edhe rekordin olimpik në garën 400 metra kombinim. Marchand udhëhoqi gjatë gjithë garës dhe theu rekordin olimpik të vendosur më parë nga amerikani, Michael Phelps, duke e mbyllur garën me kohën 4 minuta, 2 sekonda e 95 të qindtat. Në podium u ngjitën edhe japonezi, Tomoyuki Matsushita, me madje 5.67 sekonda ngecje, që fitoi medaljen e argjendtë dhe amerikani Carson Foster, që fitoi medaljen e bronztë.
Ndërkaq, në garën e femrave në 100 metra në stilin flutur medaljes së artë iu gëzua Torri Huske. Bashkëkombësja saj Gretchen Walsh fitoi ë argjendtën dhe kinezja Yufei Zhang të bronztën.
Në garën 100 metra në stilin bretkosë medalja e artë i takoi Nicolo Martinenghit,ajo argjendtë Adam Peaty nga Britania e Madhe dhe e bronzta amerikanit Nic Fink.
