Saga e transferimit të Riccardo Calafiori ka marrë fund.
Mbrojtësi italian, i cili tërhoqi vëmendjen me paraqitjet e tij në Euro 2024, ka nënshkruar për Arsenal.
Calafiori i bashkohet nënkampionit anglez nga skuadra e Serie A, Bologna, duke firmosur një kontratë pesëvjeçare.
Shuma e transferimit është rreth 38 milionë funte, ku gjysma do të shkojnë për ish-klubin e tij, Basel.
Trajneri Mikel Arteta ka thënë se italiani ka një personalitet të shkëlqyer me aftësi të veçanta, që do ta bëjnë skuadrën edhe më të fortë në rrugën për të fituar trofe.
“Ai bëri një zhvillim të madh vitin e kaluar te Bologna dhe për Italinë. Progresi dhe zhvillimi i tij kanë qenë me të vërtetë mbresëlënëse”, është shprehur trajneri spanjoll.
Njëzet e dy vjeçari do të mbajë fanellën me numrin 33.
