Filippo Macchi fitoi medaljen e argjendtë në skermë për meshkuj në Lojërat Olimpike të Parisit, por rezultati i ndeshjes ndaj kundërshtarit nga Hong Kongu, Long Cheung, është pasuar polemika të mëdha.
Një ndeshje shumë e tensionuar vendosur nga një goditje e diskutueshme e cila e mbylli sfidën me rezultatin 15-14 për përfaqësuesen e Hong Kongut.
Federata italiane e Skermës e ka kontestuar rezultatin dhe ka paraqitur një ankesë në Komitetin Olimpik Ndërkombëtar.
“Një grabitje, një vjedhje, një padrejtësi”, ishin fjalët e trajnerit italian, Stefano Cerioni.
“Nuk kam parë kurrë diçka të tillë!”, vazhdoi ai.
Por çfarë ndodhi? Macchi ishte i bindur se goditjet e tij kishin qëlluar në shenjë, por në të dyja rastet gjyqtarët konsideruan se pika nuk ishte e vlefshme dhe sulmi duhet të përsëritej.
Një episod i tillë ndodhi edhe për herë të tretë, por pas shikimit të videos së atij momenti goditja vendimtare iu dha sportistit tjetër.
