Kryeqyteti së shpejti do të jetë me rregullore për mbrojtjen nga ndotja akustike, e cila ka kohë që paraqet një shqetësim në shumë objektet banimi të qytetit ku janë të vendosura kafiteritë.
Për këtë arsye për herë të parë komuna ka paralajmëruar nisjen e një debati për orarin e punës dhe mbrojtjen nga ndotja akustike në sektorin e gastronomisë. Për këtë qëllim komuna po organizon diskutime publike me qytetarë për të krijuar hapësirën për sugjerime e ide të reja të përbashkëta në identifikimin e zgjidhjeve efektive për qytetarët dhe sektorin e Gastronomisë.
Konsultimi i parë publik me sektorin e gastronomisë mbahet nesër, me datë 17 nëntor, ora 17:30 në Sallën e Kuvendit Komunal, ndërtesa e vjetër e Komunës, i cili do të regjistrohet dhe transmetohet drejtpërdrejt në kanalet tona zyrtare të komunikimit. Ndërsa, diskutimet e radhës për Projekt Rregulloren, do të mbahen sipas datave:
22 nëntor, ora 17:30, salla e Kuvendit Komunal – Me qytetarë dhe anëtarë të Kuvendit Komunal;
23 nëntor, ora 17:30, salla e Kuvendit Komunal – Me policinë dhe përfaqësues të KLSP-ve/KKSB. /Kosovatimes/
