Ministri i Bujqësisë, Faton Peci, ka njoftuar se zyrtarisht ka filluar repelimi i kafshëve në fshatin Lubizhdë të Malishevës kundër sëmundjes “Ethet Hemorragjike Krime-Kongo”.
Ai ka thënë se repelimi përfshin komunën e Malishevës si më e rrezikuara, Rahovecin, disa fshatra të komunave Klinë e Suharekë si dhe mbështetet në strategjinë kombëtare për parandalimin dhe luftimin e “Etheve Hemorragjike Krime-Kongo”.
Ministri ka ftuar të gjithë fermerët të bashkëpunojnë për një rezultat sa më të mirë në luftimin e kësaj sëmundjeje. /Kosovatimes/
