Një burrë nga Virxhinia në SHBA është arrestuar dhe akuzuar për kërcënime me vdekje ndaj zëvendëspresidentes dhe kandidates demokrate për president Kamala Harris.
Frank Lucio Carillo bëri kërcënime të shumta kundër Harris, Presidentit Joe Biden dhe drejtorit të FBI-së Christopher Wray në platformën e mediave sociale të krahut të djathtë Gettr.
Ai kërcënoi me vdekje Kamali Harrisin dhe kishte postime islamofobike
FBI gjeti 4,359 postime nga Carillo “që synonin zyrtarë të ndryshëm publikë”, përfshirë Harris.
Në disa postime, Carillo dyshohet se kërcënoi të “hiqte sytë” Kamala Harris dhe përshkroi mënyra të ndryshme se si donte të vriste zëvendëspresidentin. Carrilo gjithashtu e quajti Harris një “kurvë” dhe tha se shpresonte që ajo “të vdiste në agoni”.
Carillo u gjet edhe me një postim islamofobik nga viti 2023, kur ai shkroi se njerëzit duhet “të dalin me armë dhe të vrasin të gjithë muslimanët”.
Kur agjentët e FBI-së mbërritën për herë të parë në shtëpinë e Carillo-s për postimet në mediat sociale, Carillo pyeti nëse ata ishin atje “për gjëra të internetit” dhe pranoi se ai kishte postuar kërcënimet dhe ofendimet e tij.
Në shtëpinë e tij kanë gjetur edhe dy armë zjarri dhe tani do të vijojë seanca ku do të vendoset nëse Carillo do të qëndrojë pas hekurave.
