Shërbimi Korrektues i Kosovës ka njoftuar se një i burgosur është arratisur mëngjesin e sotëm nga QKUK, Reparti i Hematologjisë, raporton Gazeta Blic.
Përmes një postimi në Facebook, SHKK ka njoftuar se lidhur me rastin janë pezulluar nga puna dy zyrtarë korrektues.
Pezullohen nga puna dy zyrtarë korrektues.
Shërbimi Korrektues i Kosovës njofton opinionin publik se sot, rreth orës 06:30, nga Reparti i Hematologjisë në SHSKUK ka ikur i burgosuri L.Xh, i njejti ishte i akuzuar për Vepren Penale Fajde.
Lidhur me rastin janë pezulluar nga puna dy zyrtarë korrektues, ndërsa është njoftuar edhe policia.
SHKK ka filluar hetimet për të zbuluar se si ka ndodhur rasti dhe do t’ju mbajë të informuar.
